واحد كان مسرع مره على الخط ومعاه زوجته ، فجأه شاف في المرايه شرطي
يأشرله ، وقف الرجال سيارته وجا الشرطي فسأله الرجال: ايش المشكلة؟؟
الشرطي: انت كنت مسرع فوق الـ180 كيلو في الساعة وهذا الطريق سرعته القصوى ستين كيلو في الساعة ، عشان كدا أنا راح أعطيك مخالفه
الرجال: لامعليش أنا كنت متعدي الستين60 بشويه
الزوجة: انت كنت ماشي على الأقل 160
الزوج نظر لزوجته نظره حقد
الشرطي: اعطيك مخالفه كمان عشان الضوء الخلفي مكسور
الرجل: مكسور؟؟ أنا ما كنت ادري انه مكسور
الزوجه: ايوه انت كنت عارف عن اللمبه انها مكسوره من كم اسبوع
واعطاها الزوج نظرة حقد ثانيه
الشرطي: اعطيك ورقه انذار عن عدم ربط حزام الامان
الرجل: ايوه أنا فكيته لما وقفت السيارة وجيت عندنا
الزوجه: لالالا انت ما عمرك ربطت حزام الامان
التفت الزوج لزوجته وصـرخ عليها: انتي ما تعرفي تسكتي ابداً ؟
سأل الشرطي الزوجه: لو سمحتي هو دايماً يصرخ عليك كدا؟
الزوجه: لا بس لما يكون سكران
!!قال الشرطي: سكران
الرجال: لالالا تصدقها
قالت السيدة ما عليك منه لاقين القاروره في السيارة يوم سرقناها
قال الشرطي: يعني السيارة مسروقه
قال الرجال: ايش، الله يهديك لاتهمك هذي، ويلتفت إلى الزوجة ويقول لها .... لا تخليني اطلقك دحين
!قال الشرطي: هل هو دايماً يهددك كدا بالطلاق؟
قالت السيدة: خليه بالأول يتزوجني وبعدين يهدد بالطلاق
لا تحرموني من ردودكم