احبك و اموت فيك يا اعز انسان‎

[size=25]انا بنت زيي زي باقي البنات عمري 15 سنة بصراحة متعقدة من حاجة في حياتي اسمها حب مو عشان حبيت لا عشان بابا و ماما كانوا و انا صغيرة بس يضاربوا و بابا بس كان يسافر و يسيبنا انا و اخواني وسارت مشكلة مرة كبيرة بعدها لي بابا و ماما انفصلوا عن بعض شهر شي زي كدة و من بعدها انا قلت الحب اصلا في دي الحياة مو موجود و عمري ما راح احب و الرجال و الاولاد كلهم حيوانات و اندال وقلت انا عمري ماراح اتزوج و هادي كانت فكرتي و قلت انا اصلا عمري ما راح احب مين الانسان دا الي انا راح احبو تخيلو هي دي كانت فكرتي بس كل دا الكلام اتغير لمن جا الانسان الي انا وثقت في و حبيتو هو ولد خالتي (ز.م) قعدنا مع بعض سنتين قبل دي السنتين سبنا بعض 3 مرات سارت مشاكل بيننا حاجات زي كدة فيها خيانة و ما خيانة بس لمن رجعنا لبعض وقعدنا السنتين دي و الله و الله عمرو حبي ما نقص و كنت اثق في و ربي اني ما كنت اشك في ابدا و الله مرة حبيتو من قلبي و الله ما تتصوروا قد ايش حبيتو كنت اخاف عليه و كان اغلى الناس بالنسبة بالي وكان اهم جاجة في حياتي اديكم امسلة انا قد ايش كنت احبو نجي من ناحية الجوال لازم في اليوم اكلمو اكتر من ستة مرات لازم كل شوية اطمن عليه و كل مل طفشت اكتبلو رسالة يعني دي تجي اربعة رسايل في اليوم و بس كنت اتكلم معاه مرة كنت احب اسمع صوتو لمن أكون مضايقة مرة ارتاح و لا ساعات لمن ادق عليه مرة كنير و ما يرد عليا و أقول في نفسي حا أضارب معاه بس من اول ما يرد عليا انسى الموضوع مرة انساه و لا كانو سار شي و لمن اكون فرحانة احب على طول ادق عليه احب اشاركو الفرحة و لمن اشوفو ياسلام بس اكون مبتسمة و بس اضحك على أي شي يقولو انو دا الكلام اسبات انو انا احبو (ز.م) انسان جدا طيب و رائع بمعنى الكلمة يعجبني رجال قدها و قدود دمو خفيف انسان حنون فيلو اشياء كتيرة مرة حلوة دايما كان هو يقلي بلاهي ايش الي يعجبك فيا ما كنت اجاوبو ما ادري ليش احسو محا يصدقني ودا الشي مرة يزعلني في انو ساعات يستقل بنفسو و هو انسان مرة طيب و تطلع منو حاجات مرة ياناسو بس للاسف يستغل طاقتو في اشياء تانية لا تفهموني غلط (هههههههههههه) المهم في بداية علاقتنا (ز.م) كان مرة يحبني و مرة كان مهتم فيا كنت لمن اصحى الاقي منو ميسد كولات و ادق عليه يقلي و يزعقلي فين كنتي وحشتيني خوفتني ومني عارف ايش تخيلو لمن كان كدة يزعقلي كنت ابتسم عارفين ليش فرحانة عشان هو يحبني و مهتم فيا و احاول اراضي ولمن ما يلاقي رصيد يدبرو من تحت الارض و لمن يكون نايم ساعات يقوم من نومو عشان يشحن و يكلمني مرة كان مهتم فيا و ما كنت الا لمن ادق الا ويرد دايما ادق عليه و يرد مرة كان ياناس عليه كل دي الفترة حوالي سنة و انا معاه و الله افتكرها عمري ما بكيت و الله بس جات فترة مو هو الانسان الي انا اعرفو و هو يحبني لا لا لا اكيد مو هو مرة اتغير و كل ما اجي افك دا الموضوع معاه انو هو اتغير يقلي لا انا ما اتغيرت و يزعق مع داك لو كنت احبو عمري في دي الفترة ما كرهتو ولا حبي لي ما نقص مرة اتغير و ما سار يتهم فيا زي اول دا الشي مرة زعلني بس ترى هو هو نفس الانسان الي انا احبو هو اتغير انا لا و الله في مرات جرحني بكلام و الله قاعد في قلبي لمن دحين فاكرها و الله مرة جرحتني بس عمري ما كرهتو و الله كمان في مرات لمن ادق عليه ساعات هو يكلمني عادي مافي شي بس كدة و انا با اتكلم معاه اقعد ادمع احس في حاجة ناقصة في الانسان دا وبعد ما اقفل منو اقعد ابكي من قلبي من قلبي اقول يا ربي طيب انا غلطانة طيب انا زعلتو لا اكيد هو يكرهني ما سار يحبني هو ما يبغاني و ساعات لمن اصلي اقعد ادعي انو ربنا يرجعنا زي زمان المهم الحكاية مو هنا طبعا خلال السنتين هادي اهلنا عرفوا عننا ماما جات قالتلي (انا غضبانة عليكي دنيا و اخرة لو انتي لساعك معاه و لا حا تكملي معاه ) دي الجملة اتقالتلي يوم 7/7/1430 يوم التلوت و الله فاكرتها من كتر ما اسرت عليا من بعدها سار راصي بس مصدع و ما نام كويس و لا اكل كويس و بس ابكي وافكر في الموضوع كيف اقلي انا من غيرو و الله ما اقدر اعيش المهم قلتلو شلنا هم الموضوع مع بعض بس برضو ما ارتحت لانو ما اتحل و بعدنا عن بعض و قعدت بالايام ما اكلمو و لا ادري عنو شي و سارت مشكلة بيني و بينو و حسيتو رجع زي زمان و احسن حسيتو اتغير ماكان يسال عني دحين بعد المشلكة بصراحة حسيتو رجع زي زمان بس برضو للاسف ما اقدر اكمل معاه من الهرجة حقت ماما و قلتلو نسير زي الاخوان احسن و نبعد عن بعض لانو انا خايفة اتعلق فيك و انت تتعلق فيا و في النهاية ما نكون لي بعض لا ماما و لا بابا ما يحبو زواج الاقارب و انا خايفة من حاجة وحدة انو هو يحسب من دا الكلام انو انا ما احبو بس والله يا ناس يا عالم انا احبو و ربي الي خلقني اموت في انا كان نفسي اكون زوجتو كان نفسي انا الي اصحي لمن يروح العمل كان نفسي انا اسويلو الفطور قبل ما يروح العمل و اجهزلو ملابسو وغسلو هيا واكويلو هيا لمن يكون مضايق انا الي اكون جمبو ولمن يمرض انا الي اسهر عشانو و اجيب بزورتي منو واعيش معاه و الله و انا با اكتب دي السطور الاخيرة قاعدة ابكي احبك و ربي ما ابغى اكون لغيرك و ما ابغاك تكون لغيرك احبك لو اكتبها الين بكرة ما تكفي مني زعلانة منك و لا عمري حا اكرهك يا احلى حاجة في حياتي و مازلت احبك و اخاف عليك و اغار عليك مرة مرة و حا افضل احبك و اخاف عليك و اغار عليك لاخر يوم في حياتي اللهه يخليك لازم تفهم وضعي لازم نبعد عن بعض ظروفي ما تسمحلي اني اكمل معاك هادا ما يعني لو انت اتقدمتلي انا محا اوافق لا طبعا حا اوافق و حا يكون احلا يوم في حياتي لا تزعل مني دا هو لازم الي يسير يا حبيبي و الله في دي اللحظة كان نفسي اضمك و ابكي عليك وحشني حضنك
لو زعلتك في يوم من الايام سامحني و الله ما كان قصدي اني ازعلك اكيد و ربي احبك
اتمنى لو انتي تحبني تسوي دي الاشياء من ورايا و من قادامي
1- انك ما تدخن و ربي عشان خايفة عليك و احبك
2- وتحافظ على الصلوات الخمسة في المسجد و تدعيلي فيها
3- ماتزعل امك و ابوك منك لو ايش ما كان لانو هما اهم شي في حياتك و اهم مني انا و اهم من أي شي في الحياة
4- اهتم بدراستك و شغلك
5- بعد عن المشاكل
دي الاشياء لو تحبني سويها الله يخليك احبك و اموت فيك بس لازم نكون دحين زي الاخوان وع انو انت في نظري عمرك محا تكون اخويا ممكن اقولها بس مو من قلبي و الله اني ان اوعك اني اهتم بيك و دايما ادق عليك لو انت مضايق دق عليا انا محا اردك و انا مضايقة و حسيتا ني ابا اكلم احد انت اول انسان حا اكلمو بس لازم نبعد عن بعض الله يخليك لا تفكر في يوم اني انا اكرهك و لا ما حبيتك احبك
1-انا (ت.س)انتيم (ز.م)من اغلى اصحابوا واكتر وقتنا مع بعض
انا اول من علق على الرساله هادي بس وربي انا عمري ما بكيت زي اليوم هادا
معشانو صحابى لا وربي عشنو اكتر من اخويه وانا كونت جنبو لمن قرا الرساله وربي اول مرره اشوفو
زيكده من كثر القهر الي في يقولي وربي انا الي حاتزوجه ولا اقتول نفسي واول مره اشوف وجهو المليئ بي الفرح
والبتسامه سار كلو دموع وحزون بس انا اقرب الناس الرجل هادا واكدلك انو يحبك وعمرو محا يسبك طول ما هوا عايش
علي وجه الأرض وانا اول الشهود على انو بطل الدخان وترا عشانك مو عشان شي
وحل المشكله هوا شي واحد بس انو اجي واتقدام ويسير كل شي طيب لنو لو ابوك شافو
رجال وقد كلمتو ومالي هدومو بي وضيفه طيب انشاء الله تعالي انو يوافق
بالله عليكي انك تنتبهي على (ز.م)اكتر من نفسك لنو لمن اشوفو يبكي وربي احيس انو احد يطعني في قلبي
لا تزعلي امانه عليكي لنو النسان هادا عزيز عليا
وانا كل ما اصلي ادعيلكوم انو الله يوفقك دنيا واخره
تحياتي( ت.س)والله الموفق..
2-هادي القصه كلها ما تهمني واااااو يا قلبي عليكي يا احلى صحبه في الدنيا شايله هادا كلو و ما تقوليلي مو مهم هادا كلو اهم شي عندك اني احببببببببببببببببببببببك و نفسك

1- ههههههههههههههههههه حلوه (وتحافظ على الصلوات الخمسة في المسجد و تدعيلي فيها ) تدعيلي فيها هااااا لازم شغل المصلحه بس والله شكلي حدعيلك انا كمان (الله يرجع (ز) ترى حلوه فكرت (ز) الله يرجعو لي بنت الحلال الي كتبت الكلام الرقيق والجميل الله يرجعكم لي بعض تصدقي يابت شهيتيني اروح احب ههههههه <<بقاله وانا مدري
اقلك يابت عجبتني مرررررررا اجيب بزورتي هههههههههه حتى انا ابغى هههههههه
loooooNY حبيبتك ترى محقولو الي سار بينانا هااااااااااااااااههههه
3- كلامك مرررة حلو ومررة اثر عليا
وانا اقلك دحين من جد اتأكدت انك مرررررررررة تحبي ز.م اكتر من اول
وصدقيني هوا ماحينساااكي وحيحاول الين ما يرجعلك زي اول
وان شاء الله ربنا يجمعكم مع بعض ز.م يحبك يادودي والله
وانا اقلك سويتي الصح عشان مامتك لا تزعل منك عشان ربنا ما يغضب عليكي وان شاء الله ربنا يعوضك بعدين
وانا عارفة هوا ما حينساكي ابدا وحيفضل يحبك >> خلاص حبكي
ان شاء ال اليوم اللي اشوفك فيه لابسة الفستان الابيض وماسكة يدو امين يارب
الله يوفقكم امين يارب ..... bnno
[/size]

القصة طويلة ومافهمت منها شي لاني كنت مستعجل
راح امر على موضوعك مرة ثانية واشوفها
شكلها كذا يجي منها

ok شكرا على مرورك
القصة حلوة وحقيقية حصلت لوحدة اعرفها وحبيت انقلها في المنتدى بس نبا ارائكم كمان احبك و اموت فيك يا اعز انسان‎ 4443

فعلا القصة حلوه ومؤثرة صراحه
حبوا بعض لدرجة الجنون
بس فرقوهم عن بعضهم الي مايقدرون الحب
شكلها من صدق حقيقيه من التعليقات الي تحت
الله يصبرهم على الفراق ويجمع شملهم أو يلهيهم عن بعضهم
ومشكورة والله لانك نقلتي القصة لنا رغم انه فيها شوية كلجات ومطبات
بس نمشيها لك شكلك تعبتي فيها
احبك و اموت فيك يا اعز انسان‎ 651638

يا هوو مو انا اللي كتبتها صحبتي اللي كتبتها وهادي قصتها
وشكرا على رأيك احبك و اموت فيك يا اعز انسان‎ 4443

يا قلبي عليييييييييييييها مررة ىتحزن يا عمري

من جد اهلها ما قدرو الحب حقها

لكن هي سوت الصح في انها اختارت اهلها مهما كان دول اهلها اللي ربوها و خايفين عليها

واكيد سوو كدة لمصلحتها حتى لو انهم كسرو قلبها بكدة

مسكينه لما لقت الي يحبها ويخاف عليها ضاع منها
(( الله يوفقكم ويجمعكم تحت سقف واحد ومحد يتخلا عن التاني يارب يوفق بينك ... امين))

» تسألني ليش احبك...؟؟؟
» زله لسان تفقدك انسان
» متا تكون انسان رائع
» اسم نبينا محمد عليه الصلاة والسلام في كل جسد انسان
» قصة دمعت عيناي بمجرد قرائتها حفرت كلمة احبك بدمها وماتت